സിജു വിൽസൺ ചിത്രം ‘പുഷ്പക വിമാനം’ റിലീസ് പ്രഖ്യാപിച്ചു; റിലീസ് പോസ്റ്ററിൽ സർപ്രൈസ് താരത്തിന്റെ നിഴൽ?
സിജു വിൽസൻ, നമൃത, ബാലു വർഗീസ്, ധീരജ് ഡെന്നി എന്നിവരെ കേന്ദ്ര കഥാപാത്രങ്ങളാക്കി ഉല്ലാസ് കൃഷ്ണ സംവിധാനം ചെയ്ത പുഷ്പക വിമാനം എന്ന ചിത്രത്തിന്റെ റിലീസ് പ്രഖ്യാപിച്ചു. രാജ്‌കുമാർ സേതുപതി അവതരിപ്പിക്കുന്ന, റയോണ റോസ് പ്രൊഡക്ഷൻസ് നിർമ്മിച്ച ചിത്രം 2024 ഒക്ടോബർ 4 ന് റിലീസ് ചെയ്യും.
പ്രണയം, സൗഹൃദം, അതിജീവനം എന്നീ ഘടകങ്ങൾക്ക് പ്രാധാന്യം നൽകി ഒരുക്കിയ പുഷ്പക വിമാനത്തിന് തിരക്കഥ രചിച്ചത് സന്ദീപ് സദാനന്ദനും ദീപു എസ് നായരും ചേർന്നാണ്. റിലീസ് പ്രഖ്യാപിച്ചു പുറത്തുവന്ന ചിത്രത്തിന്റെ പോസ്റ്ററിൽ സിജു വിൽസൺ, ബാലു വർഗീസ് എന്നിവരെ കൂടാതെ ഒരു താരത്തിന്റെ നിഴലും ദൃശ്യമാകുന്നുണ്ട്. ചിത്രത്തിന്റെ താരനിരയിൽ ഒരു സർപ്രൈസ് താരവും ഉണ്ടാവും എന്ന പ്രതീതി ആണ് പോസ്റ്റർ നല്കുന്നത്.
ഈ ചിത്രത്തിലെ “കാതൽ വന്തിരിച്ചു” എന്ന റീമിക്സ് ഗാനം നേരത്തെ പുറത്ത് വന്നിരുന്നു. സ്റ്റാൻഡ് അപ് കോമേഡിയനും സോഷ്യൽ മീഡിയ ആക്ടിവിസ്റ്റുമായ സിദ്ദിഖ് റോഷൻ, സംഗീത സംവിധായകൻ രാഹുൽ രാജ് എന്നിവർ ചേർന്നാലപിച്ച ഗാനം ശ്രദ്ധ നേടുകയും ചെയ്തു.
സിദ്ദിഖ്, മനോജ് കെ യു, ലെന, പത്മരാജ് രതീഷ്, സോഹൻ സീനുലാൽ, ഷൈജു അടിമാലി, ജയകൃഷ്ണൻ, ഹരിത്, വസിഷ്ഠ് എന്നിവരും വേഷമിട്ടിരിക്കുന്ന ഈ ചിത്രം റയോണ റോസ് പ്രൊഡക്ഷൻസിൻ്റെ ബാനറിൽ ജോൺ കുടിയാൻമല, കിവിസോ മൂവീസ്, നെരിയാ ഫിലിം ഹൗസ് എന്നിവർ ചേർന്നാണ് നിർമ്മിച്ചിരിക്കുന്നത്. ആരിഫാ പ്രൊഡക്ഷൻസ് ഈ ചിത്രം പ്രദർശനത്തിനെത്തിക്കുന്നു.
ഛായാഗ്രഹണം- രവി ചന്ദ്രൻ, സംഗീതം- രാഹുൽ രാജ്, ചിത്രസംയോജനം- അഖിലേഷ് മോഹൻ, കലാസംവിധാനം- അജയ് മങ്ങാട്, മേക്കപ്പ്- ജിത്തു പയ്യന്നൂർ, വസ്ത്രാലങ്കാരം- അരുൺ മനോഹർ, പ്രൊഡക്ഷൻ മാനേജർ- നജീർ, പ്രൊഡക്ഷൻ എക്സിക്യൂട്ടീവ്- പ്രസാദ് നമ്പ്യാങ്കാവ്, പ്രൊഡക്ഷൻ കൺട്രോളർ- പ്രശാന്ത് നാരായണൻ, പിആർഒ- ശബരി.
