റിലീസിന് മുന്നോടിയായി ‘കൊറോണ പേപ്പേഴ്സി’ന്റെ പുതിയ ട്രെയിലർ പുറത്ത്…
ഷെയ്ൻ നിഗമിനെ നായകനാക്കി പ്രിയദർശൻ സംവിധാനം ചെയ്യുന്ന പുതിയ ചിത്രമായ കൊറോണ പേപ്പേഴ്സിന്റെ പുതിയ ട്രെയിലർ പുറത്തിറങ്ങി. നാളെ റിലീസിന് (ഏപ്രിൽ 6) തയ്യാറാകുന്നതിന് മുന്നോടിയായി ആണ് പുതിയ ട്രെയിലർ എത്തിയിരിക്കുന്നത്. 1 മിനിറ്റ് ദൈർഘ്യമുള്ള ട്രെയിലർ ആണ് അണിയറപ്രവർത്തകർ പുറത്തുവിട്ടിരിക്കുന്നത്. ഷെയ്ൻ നിഗമിനെ കൂടാതെ ഷൈൻ ടോം ചാക്കോയും പ്രധാന വേഷത്തിൽ എത്തുന്ന ഈ ചിത്രത്തിൽ ന്നാ താൻ കേസ് കൊട് എന്ന ചിത്രത്തിലൂടെ മലയാളത്തിൽ അരങ്ങേറ്റം നടത്തിയ ഗായത്രി ശങ്കർ ആണ് നായിക.
ഫോർ ഫ്രെയിംസിന്റെ ബാനറിൽ പ്രിയദർശൻ തന്നെ നിർമ്മിക്കുന്ന ചിത്രത്തിന് തിരക്കഥ രചിച്ചതും അദ്ദേഹം തന്നെയാണ്. ശ്രീ ഗണേഷിന്റെ കഥയെ അടിസ്ഥാനമാക്കിയാണ് ഈ ത്രില്ലർ ചിത്രത്തിന് തിരക്കഥ ഒരുക്കിയിരിക്കുന്നത്. സിദ്ധിഖ്, ഹന്ന റെജി കോശി, ജീൻ പോൾ ലാൽ, സന്ധ്യ ഷെട്ടി, മണിയൻപിള്ള രാജു, ശ്രീകാന്ത് മുരളി എന്നിവരാണ് മറ്റ് താരങ്ങൾ. ട്രെയിലർ:
