ആയിരക്കണക്കിന് ആരാധകർ ‘തഗ് ലൈഫ്’ കാണാൻ കർണാടകയിൽ നിന്ന് ഹൊസൂരിലെത്തി; കേരളത്തിലും മികച്ച പ്രതികരണം!
കർണാടകയിൽ റിലീസ് വിലക്കിയിട്ടും, കമൽ ഹാസൻ ചിത്രം ‘തഗ് ലൈഫ്’ പ്രേക്ഷകശ്രദ്ധ നേടി മുന്നേറുന്നു. തമിഴ്നാട്ടിലും കേരളത്തിലുമെല്ലാം ചിത്രത്തിന് മികച്ച പ്രതികരണമാണ് ലഭിച്ചുകൊണ്ടിരിക്കുന്നത്. തങ്ങളുടെ ഇഷ്ടതാരത്തിന്റെ ചിത്രം കാണാൻ ബംഗളൂരുവിൽ നിന്നും സമീപ പ്രദേശങ്ങളിൽ നിന്നും ആയിരക്കണക്കിന് ആരാധകരാണ് ഹൊസൂരിലേക്ക് ഒഴുകിയെത്തിയത്. തീയറ്ററുകൾക്ക് പുറത്ത് പടക്കം പൊട്ടിച്ചും ആർപ്പുവിളിച്ചും അവർ നടത്തിയ ആഘോഷങ്ങൾ സമൂഹമാധ്യമങ്ങളിൽ വൈറലായി മാറിയിട്ടുണ്ട്. കമൽ ഹാസൻ ആരാധകരുടെ ഈ അചഞ്ചലമായ പിന്തുണ സോഷ്യൽ മീഡിയയിലും വലിയ ചർച്ചയായി.
കേരളത്തിലും ‘തഗ് ലൈഫ്’ ആവേശത്തോടെയാണ് സ്വീകരിക്കപ്പെടുന്നത്. പ്രധാന കേന്ദ്രങ്ങളിലെല്ലാം ഭേദപ്പെട്ട തിരക്ക് അനുഭവപ്പെടുന്നുണ്ട്. കമൽ ഹാസന്റെയും എസ്.ടി.ആറിന്റെയും (സിമ്പു) പ്രകടനങ്ങളെ, പ്രത്യേകിച്ച് ഇരുവരും ഒന്നിച്ചുള്ള രംഗങ്ങൾക്ക് പ്രേക്ഷ പ്രശംസ ലഭിക്കുന്നുണ്ട്. ഇന്റർവെൽ സീനിലെ സിമ്പുവിന്റെ പ്രകടനമാണ് പലർക്കും ഹൈലൈറ്റ്. അതേസമയം, കമൽ ഹാസന്റെ കരുത്തുറ്റ സാന്നിധ്യവും തീവ്രമായ കഥാപാത്ര ചിത്രീകരണവും കാണികളെ രസിപ്പിക്കുകയും ചെയ്യുന്നുണ്ട്.
മലയാളി താരം ജോജു ജോർജിന്റെ പ്രകടനവും ഏറെ ശ്രദ്ധേയമാണ്. എ.ആർ. റഹ്മാന്റെ സംഗീതവും പശ്ചാത്തല സംഗീതവും ചിത്രത്തിന് വൈകാരികമായ ആഴം നൽകിയെന്ന് ആരാധകരും സംഗീതപ്രേമികളും ഒരേപോലെ അഭിപ്രായപ്പെടുന്നു. ‘തഗ് ലൈഫ്’ തീയറ്ററുകളിൽ പ്രദർശനം തുടരുമ്പോൾ, ചിത്രത്തിലെ പ്രകടനങ്ങളും ദൃശ്യഭംഗിയും ആരാധക പിന്തുണയും ചേർന്ന് സിനിമയ്ക്ക് മുന്നേറ്റം നൽകുകയാണ് – കേരളത്തിലും മറ്റ് സംസ്ഥാനങ്ങളിലും ചിത്രം മികച്ച പ്രകടനം കാഴ്ചവെക്കുന്നു.
തഗ് ലൈഫ്’ തിയേറ്ററുകളിൽ പ്രദർശനം തുടരുമ്പോൾ, ചിത്രത്തിലെ പ്രകടനങ്ങളും ദൃശ്യഭംഗിയും ആരാധക പിന്തുണയും ഒക്കെ ചർച്ചയായി മാറുകയാണ്. കേരളത്തിലും മറ്റ് സംസ്ഥാനങ്ങളിലും ചിത്രം മികച്ച പ്രേക്ഷക സ്വീകാര്യതയോടെ പ്രദർശനം തുടരുന്നു.
