വിഷ്ണു ഉണ്ണികൃഷ്ണൻ – ബിബിൻ ജോർജ് കോംബോ വീണ്ടും, ഒപ്പം ലാലു അലക്സും; ‘അപൂർവ്വ പുത്രന്മാർ’ പോസ്റ്റർ പുറത്ത്
വിഷ്ണു ഉണ്ണികൃഷ്ണനും ബിബിൻ ജോർജും വീണ്ടും ഒന്നിക്കുന്നു! ഇവർക്കൊപ്പം മലയാളികളുടെ പ്രിയതാരം ലാലു അലക്സും പ്രധാന വേഷത്തിൽ എത്തുന്ന ‘അപൂർവ്വ പുത്രന്മാർ’ എന്ന ചിത്രത്തിൻ്റെ ഫസ്റ്റ് ലുക്ക് പോസ്റ്റർ പുറത്തിറങ്ങി. ഇവേൻ എന്‍റർടെയ്ൻമെന്‍റ്സിൻ്റെ ബാനറിൽ ഒരുങ്ങുന്ന ഈ ചിത്രം ഒരു മുഴുനീള ഫൺ ഫാമിലി എന്‍റർടെയ്നറായിരിക്കുമെന്ന സൂചന നൽകുന്ന കളർഫുൾ പോസ്റ്ററാണ് ഇപ്പോൾ റിലീസ് ആയിരിക്കുന്നത്.
രജിത് ആർ.എല്ലും ശ്രീജിത്തും ചേർന്നാണ് ഈ ചിത്രം സംവിധാനം ചെയ്യുന്നത്. ആരതി കൃഷ്ണയാണ് സിനിമയുടെ നിർമ്മാതാവ്. കഥയും തിരക്കഥയും സംഭാഷണവും ഒരുക്കിയിരിക്കുന്നത് ശിവ അഞ്ചൽ, രജിത്ത് ആർ.എൽ, സജിത്ത് എസ് എന്നിവർ ചേർന്നാണ്. ഈ ചിത്രത്തിലൂടെ തെലുങ്കിലെ ശ്രദ്ധേയ സാന്നിധ്യമായ പായൽ രാധാകൃഷ്ണയും കന്നഡ സിനിമയിലൂടെ വെള്ളിത്തിരയിലെത്തിയ അമൈര ഗോസ്വാമിയും മലയാള സിനിമയിലേക്ക് അരങ്ങേറ്റം കുറിക്കുന്നു എന്നത് ‘അപൂർവ്വ പുത്രന്മാ’രുടെ മറ്റൊരു ആകർഷണമാണ്.
കൂടാതെ, അശോകൻ, ധർമജൻ ബോൾഗാട്ടി, നിഷാന്ത് സാഗർ, ബാലാജി ശർമ്മ, സജിൻ ചെറുകയിൽ, ഐശ്വര്യ ബാബു, ജീമോൾ കെ. ജെയിംസ്, പൗളി വത്സൻ, മീനരാജ് പള്ളുരുത്തി തുടങ്ങി വലിയൊരു താരനിര തന്നെ ഈ സിനിമയിൽ അണിനിരക്കുന്നുണ്ട്. ഇവരെ കൂടാതെ നിരവധി പുതുമുഖ താരങ്ങളും ചിത്രത്തിൻ്റെ ഭാഗമാകുന്നു എന്നത് ശ്രദ്ധേയമാണ്.
കോ പ്രൊഡ്യൂസർ: സുവാസ് മൂവീസ്, എക്സിക്യുട്ടീവ് പ്രൊഡ്യൂസേഴ്സ്: ശശി നമ്പീശൻ (എസ്.എൻ. ക്രിയേഷൻസ്), നമിത് ആർ (എൻ സ്റ്റാർ മൂവീസ്), ഛായാഗ്രഹണം: ഷെന്‍റോ വി. ആന്‍റോ, എഡിറ്റർ: ഷബീർ സയ്യെദ്, സംഗീതം: മലയാളി മങ്കീസ്, റെജിമോൻ, ഗാനരചന: വിനായക് ശശികുമാർ, ടിറ്റോ പി തങ്കച്ചൻ, വിജയരാജ്, പ്രസന്ന, ചൊക്ലി റാപ്പർ, പശ്ചാത്തല സംഗീതം: വില്യം ഫ്രാൻസിസ്, പ്രൊഡക്ഷൻ കൺട്രോളർ: കമലാക്ഷൻ പയ്യന്നൂർ, മേക്കപ്പ്: റോണി വെള്ളത്തൂവൽ, സൗണ്ട് ഡിസൈൻ: എ.ബി ജുബിൻ, കലാസംവിധാനം: അസീസ് കരുവാരകുണ്ട്, പ്രൊജക്റ്റ് മാനേജർ: സുരേഷ് പുന്നശ്ശേരിൽ.
പ്രൊജക്റ്റ് ഡിസൈനർ: അനുകുട്ടൻ, ഫിനാൻസ് കൺട്രോളർ: അനീഷ് വർഗീസ്, വസ്ത്രാലങ്കാരം: ബൂസി ബേബി ജോൺ, ചീഫ് അസോസിയേറ്റ് ഡയറക്ടർ: വിജിത്ത്, സംഘട്ടനം: കലൈ കിങ്‌സൺ, നൃത്തസംവിധാനം: റിച്ചി റിച്ചാർഡ്സൺ, അഖിൽ അക്കു, സൂര്യൻ വി കുമാർ, വിഎഫ്എക്സ്: പ്ലേകാർട്ട്, കൂകി എഫ്എക്സ്, റീ റെക്കോർഡിങ് മിക്സർ: ജിജു ടി ബ്രൂസ്, സ്റ്റിൽസ്: അരുൺകുമാർ വി.എ, വിതരണം: ഫാർസ് ഫിലിംസ്, പബ്ലിസിറ്റി ഡിസൈൻസ്: റോക്കറ്റ് സയൻസ്, പി.ആർ.ഒ: ശബരി.
