കാക്കിയിൽ നവ്യയും സൗബിനും; ‘പുഴു’വിന് ശേഷം റത്തീന ഒരുക്കുന്ന ‘പാതിരാത്രി’യുടെ ഫസ്റ്റ് ലുക്ക് പുറത്ത്
മമ്മൂട്ടിയെ നായകനാക്കി ഒരുക്കിയ ‘പുഴു’ എന്ന ശ്രദ്ധേയ ചിത്രത്തിന് ശേഷം സംവിധായിക റത്തീനയുടെ പുതിയ സിനിമയുടെ അപ്ഡേറ്റ് പുറത്ത്. നവ്യ നായരും സൗബിൻ ഷാഹിറും ആദ്യമായി ഒന്നിക്കുന്ന ‘പാതിരാത്രി’ എന്ന് പേരിട്ടിരിക്കുന്ന ചിത്രത്തിന്റെ ഫസ്റ്റ് ലുക്ക് പോസ്റ്റർ അണിയറപ്രവർത്തകർ പുറത്തിറക്കി. പോലീസ് വേഷത്തിലുള്ള നവ്യയും സൗബിനും ആണ് പോസ്റ്ററിന്റെ പ്രധാന ആകർഷണം. ഇത് സിനിമ ഒരു ത്രില്ലർ ഗണത്തിൽപ്പെട്ടതായിരിക്കുമെന്ന സൂചന നൽകുന്നു.
ഒക്ടോബർ മാസത്തിൽ ചിത്രം തിയേറ്ററുകളിലെത്തിക്കാനാണ് നിർമ്മാതാക്കൾ ലക്ഷ്യമിടുന്നത്. ബെൻസി പ്രൊഡക്ഷൻസിന്റെ ബാനറിൽ കെ വി അബ്ദുൾ നാസർ, ആഷിയ നാസർ എന്നിവർ ചേർന്നാണ് ചിത്രം നിർമ്മിക്കുന്നത്. കേരളത്തിലെ വിതരണാവകാശം ഡ്രീം ബിഗ് ഫിലിംസ് സ്വന്തമാക്കി. ഷാജി മാറാട് ആണ് ചിത്രത്തിന് തിരക്കഥയൊരുക്കിയിരിക്കുന്നത്.
പ്രേക്ഷകപ്രീതി നേടിയ നിരവധി ഗാനങ്ങളൊരുക്കിയ ജേക്സ് ബിജോയ് ആണ് ‘പാതിരാത്രി’യുടെ സംഗീത സംവിധാനം നിർവഹിക്കുന്നത്. ഷെഹ്നാദ് ജലാൽ ഛായാഗ്രഹണവും ശ്രീജിത്ത് സാരംഗ് എഡിറ്റിംഗും കൈകാര്യം ചെയ്യുന്നു. ആർട്ട് – ദിലീപ് നാഥ്, പ്രൊഡക്ഷൻ കൺട്രോളർ – പ്രശാന്ത് നാരായണൻ, മേക്കപ്പ് – ഷാജി പുൽപ്പള്ളി, വസ്ത്രങ്ങൾ – ലിജി പ്രേമൻ, ചീഫ് അസോസിയേറ്റ് ഡയറക്ടർ – അജിത് വേലായുധൻ, അസോസിയേറ്റ് ഡയറക്ടർ – സിബിൻ രാജ്, ആക്ഷൻ – പി സി സ്റ്റണ്ട്സ്, സ്റ്റിൽസ് – നവീൻ മുരളി, ടൈറ്റിൽ ഡിസൈൻ – യെല്ലോ ടൂത്ത്സ്, പോസ്റ്റർ ഡിസൈൻ – ഇല്ലുമിനാർട്ടിസ്റ്റ്, പിആർഒ – ശബരി
