അതി ഗംഭീര ദൃശ്യങ്ങൾ; മേജർ രവി – ശരത് കുമാർ ടീമിന്റെ ‘ഓപ്പറേഷന്‍ റാഹത്ത്’ ടീസർ എത്തി…
ഏഴു വർഷത്തെ ഇടവേളയ്ക്കു ശേഷം മേജർ രവി സംവിധായകനായി തിരികെ എത്തുന്ന ചിത്രമാണ് ‘ഓപ്പറേഷന്‍ റാഹത്ത്’. ഈ ചിത്രത്തിന്റെ ടൈറ്റിൽ പോസ്റ്റർ ദിവസങ്ങൾക്ക് മുമ്പ് റിലീസാകുകയും ഏറേ ജനശ്രദ്ധ നേടുകയും ചെയ്തിരുന്നു. തെന്നിന്ത്യന്‍ നടന്‍ ശരത് കുമാർ നായനാകുന്ന ഈ ചിത്രത്തിൻ്റെ ഒഫീഷ്യൽ ടീസർ ഇപ്പോൾ പുറത്തുവന്നിരിക്കുകയാണ്.
2015-ൽ സൗദി അറേബ്യയും സഖ്യകക്ഷികളും നടത്തിയ സൈനിക ഇടപെടലിനെത്തുടർന്ന് യെമനിൽ നിന്ന് ഇന്ത്യൻ പൗരന്മാരെയും വിദേശികളെയും ഒഴിപ്പിക്കാനുള്ള ഇന്ത്യൻ സായുധ സേനയുടെ പ്രവർത്തനമായിരുന്നു ഓപ്പറേഷന്‍ റാഹത്ത് എന്ന ഓപ്പറേഷനെ അടിസ്ഥാനമാക്കിയാണ് മേജർ രവി ഈ ചിത്രം ഒരുക്കുന്നത്. ചിത്രത്തിന്റെ ടീസറിൽ അതി ഗംഭീര ദൃശ്യങ്ങൾ ആണ് ഉൾപ്പെടുത്തിയിരിക്കുന്നത്. ശരത് കുമാറിനെ കൂടാതെ മാളവിക മേനോനും ഈ ടീസറിൽ പ്രത്യക്ഷപ്പെടുന്നുണ്ട്. ടീസർ:
പ്രസിഡന്‍ഷ്യല്‍ മൂവീസ് ഇന്റര്‍നാഷണലിന്റെ ബാനറില്‍ ആഷ്ലിന്‍ മേരി ജോയ് നിർമ്മിക്കുന്ന ഈ ചിത്രത്തിൻ്റെ കഥ തിരക്കഥ കൃഷ്ണകുമാര്‍ കെ എഴുതുന്നു. ഛായാഗ്രഹണം അർജുൻ രവി നിർവ്വഹിക്കുന്നു. ഹിന്ദി, മലയാളം, തമിഴ്, തെലുങ്ക്, കന്നഡ ഭാഷകളിലായാണ് ചിത്രം പുറത്തിറങ്ങുക. എഡിറ്റർ-ഡോണ്‍ മാക്സ്, സംഗീതം-രഞ്ജിന്‍ രാജ്, ചീഫ് എക്സിക്യൂട്ടീവ്- ബെന്നി തോമസ്, വസ്ത്രാലങ്കാരം-വി സായ് ബാബു.
കലാസംവിധാനം- ഗോകുല്‍ ദാസ്‌, മേക്കപ്പ്-റോണക്സ്‌ സേവ്യര്‍, പ്രൊഡക്ഷന്‍ കണ്‍ട്രോളർ-പ്രവീണ്‍ ബി മേനോന്‍, അസോസിയേറ്റ് ഡയറക്ടർ- പരീക്ഷിത്ത് ആർ എസ്, ഫിനാന്‍സ് കണ്‍ട്രോളർ-അഗ്രാഹ് പി, കാസ്റ്റിംഗ് ഡയറക്ടർ- രതീഷ്‌ കടകം, ഡിജിറ്റല്‍ മാര്‍ക്കറ്റിംഗ്- അനൂപ്‌ സുന്ദരന്‍, സ്റ്റിൽസ്-ഹരി തിരുമല,പബ്ലിസിറ്റി ഡിസൈൻ- സുഭാഷ് മൂണ്‍മാമ, പി ആർ ഒ- എ എസ് ദിനേശ്.
