സൂപ്പർഹീറോ യുണിവേഴ്സുമായി ദുൽഖർ സൽമാൻ; ആദ്യ ചിത്രം ‘ലോക – ചാപ്റ്റർ വൺ: ചന്ദ്ര’, ഫസ്റ്റ് ലുക്ക് പുറത്ത്!
മലയാള സിനിമയിൽ പുതിയൊരു അധ്യായം കുറിക്കാൻ ഒരുങ്ങി ദുൽഖർ സൽമാന്റെ വേഫെറർ ഫിലിംസ്. പ്രേക്ഷകരെ ആകാംക്ഷയുടെ മുൾമുനയിൽ നിർത്തുന്ന ഒരു സൂപ്പർഹീറോ സിനിമാറ്റിക് യൂണിവേഴ്സുമായിട്ടാണ് ദുൽഖർ എത്തുന്നത്. ഈ യൂണിവേഴ്സിലെ ആദ്യ ചിത്രമായ “ലോക – ചാപ്റ്റർ വൺ: ചന്ദ്ര”യുടെ ഫസ്റ്റ് ലുക്ക് പോസ്റ്ററും ടൈറ്റിലും വേഫെറർ ഫിലിംസ് പുറത്തിറക്കി. കല്യാണി പ്രിയദർശനും നസ്‌ലെനുമാണ് ഈ ബിഗ് ബഡ്ജറ്റ് ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നത്.
ഡൊമിനിക് അരുൺ രചിച്ച് സംവിധാനം ചെയ്യുന്ന ഈ ചിത്രത്തിൽ, മലയാള സിനിമ ഇന്നുവരെ കണ്ടിട്ടില്ലാത്ത ഒരു സൂപ്പർഹീറോ പരിവേഷത്തിലാണ് കല്യാണി പ്രിയദർശൻ എത്തുന്നത് എന്ന സൂചനയാണ് ഫസ്റ്റ് ലുക്ക് പോസ്റ്റർ നൽകുന്നത്. കല്യാണിയ്ക്ക് ഒപ്പം നസ്‌ലെനും പോസ്റ്ററിൽ പ്രത്യക്ഷപ്പെടുന്നുണ്ട്. ഒന്നിലധികം ഭാഗങ്ങളായി ഒരുങ്ങുന്ന ഈ സിനിമാറ്റിക് യൂണിവേഴ്സിൻ്റെ ആദ്യഭാഗമായി ഒരുങ്ങുന്ന ഈ ചിത്രം വലിയ പ്രതീക്ഷകൾ ആണ് നല്കുന്നത്. ഫസ്റ്റ് ലുക്ക്:
ചന്ദു സലിം കുമാർ, അരുൺ കുര്യൻ, ശാന്തി ബാലചന്ദ്രൻ എന്നിവരും ചിത്രത്തിൽ നിർണ്ണായക വേഷങ്ങളിൽ എത്തുന്നുണ്ട്. നിമിഷ് രവിയാണ് ഛായാഗ്രഹണം നിർവഹിക്കുന്നത്. ജേക്‌സ് ബിജോയ് സംഗീതവും, ചമൻ ചാക്കോ എഡിറ്റിംഗും നിർവഹിക്കുന്നു. എക്സിക്യൂട്ടീവ് പ്രൊഡ്യൂസേഴ്സ്-ജോം വർഗീസ്, ബിബിൻ പെരുമ്പള്ളി, അഡീഷണൽ തിരക്കഥ-ശാന്തി ബാലചന്ദ്രൻ, പ്രൊഡക്ഷൻ ഡിസൈനർ-ബംഗ്ലാൻ , കലാസംവിധായകൻ-ജിത്തു സെബാസ്റ്റ്യൻ, മേക്കപ്പ് – റൊണക്സ് സേവ്യർ, കോസ്റ്റ്യൂം ഡിസൈനർ-മെൽവി ജെ, അർച്ചന റാവു, സ്റ്റിൽസ്- രോഹിത് കെ സുരേഷ്, അമൽ കെ സദർ, ആക്ഷൻ കൊറിയോഗ്രാഫർ- യാനിക്ക് ബെൻ, പ്രൊഡക്ഷൻ കൺട്രോളർ – റിനി ദിവാകർ, വിനോഷ് കൈമൾ, ചീഫ് അസോസിയേറ്റ്-സുജിത്ത് സുരേഷ്
