‘കെജിഎഫ് സ്റ്റുഡിയോ’ നിർമ്മാണ രംഗത്തേക്ക്; ആദ്യ ചിത്രം ‘കുട്ടപ്പന്റെ വോട്ട്’ ഫസ്റ്റ് ലുക്ക് പുറത്ത്…
കാലങ്ങളായി കുറേയേറെ നല്ല സിനിമകളുടെ പിന്നണിയിൽ പ്രവർത്തിച്ച ‘കെജിഎഫ് സ്റ്റുഡിയോ’ സിനിമ നിർമ്മാണ രംഗത്തേക്ക്. ‘കെജിഎഫ് സ്റ്റുഡിയോ’യുടെ ആദ്യ നിർമ്മാണ സംരംഭം കുട്ടപ്പന്റെ വോട്ട് എന്ന ചിത്രമാണ്. പ്രശസ്ത ചലച്ചിത്ര താരങ്ങളുടെ സോഷ്യൽ മീഡിയ പേജിലൂടെ ചിത്രത്തിന്റെ ടൈറ്റിൽ പോസ്റ്റർ റിലീസ് ചെയ്തു.
മലയാളത്തിലെ പ്രമുഖ താരങ്ങളെ പ്രധാന കഥാപാത്രങ്ങളാക്കി അരുൺ നിശ്ചൽ ടി തിരക്കഥ എഴുതി സംവിധാനം ചെയ്യുന്ന ഈ ചിത്രത്തിന്റെ ഛായാഗ്രഹണം ഷാൻ ദേവു നിർവ്വഹിക്കുന്നു. സമൂഹത്തിൽ ഒറ്റപെട്ടു പോയ കുട്ടപ്പന്റെ പ്രതികാരത്തിന്റെ കഥപറയുന്ന ‘കുട്ടപ്പന്റെ വോട്ട്’ സമൂഹത്തിനോടുള്ള വലിയൊരു ചോദ്യമാണ്. കുട്ടപ്പന് കിട്ടിയ ഇൻസൾട്ട് ആണ് അയാളുടെ ഇൻവെസ്റ്റ്‌മെന്റ്.
സുധാംശു എഴുതിയ വരികൾക്ക് സുരേഷ് നന്ദൻ സംഗീതം പകരുന്നു. ചിത്രസംയോജനം- കപിൽ കൃഷ്ണ, പ്രൊഡക്ഷൻ കൺട്രോളർ-വിനോദ് പറവൂർ,കല-എം കോയ,മേക്കപ്പ്-മനോജ്‌ അങ്കമാലി,കോസ്റ്റ്യുംസ്-സൂര്യ,സ്റ്റിൽസ്-ശ്രീനി മഞ്ചേരി,ഡിസൈൻ ശ്രീകുമാർ എം എൻ. പി ആർ ഒ-എ എസ് ദിനേശ്. എറണാകുളം കണ്ണൂർ എന്നിവിടങ്ങളിലായി ഉടൻ ചിത്രീകരണം ചിത്രീകരിക്കുന്ന ‘കുട്ടപ്പന്റെ വോട്ട്’ 2025 ഏപ്രിൽ ആദ്യം റിലീസിനൊരുങ്ങും.
