ജീത്തു ജോസഫ് അവതരിപ്പിക്കുന്ന ചിത്രത്തിൽ ഷെയിൻ നിഗം നായകനാകുന്നു; സംവിധാനം മാർട്ടിൻ ജോസഫ്
പ്രശസ്ത സംവിധായകൻ ജീത്തു ജോസഫിന്റെ സംവിധാന സഹായി മാർട്ടിൻ ജോസഫ് സംവിധാനം ചെയ്യുന്ന ആദ്യ ചിത്രത്തിൽ യുവ നടൻ ഷെയിൻ നിഗം നായക വേഷത്തിൽ എത്തുന്നു. ജീത്തു ജോസഫ് അവതരിപ്പിക്കുന്ന ചിത്രം ഇ ഫോർ എക്സ്പെരിമെന്റസ്, ബെഡ് ടൈം സ്റ്റോറീസ് എന്നീ ബാനറുകളിൽ മുകേഷ് ആർ മേത്ത, സി വി സാരഥി എന്നിവർ ചേർന്നാണ് നിർമ്മിക്കുന്നത്. ചിത്രത്തിന്റെ പ്രഖ്യാപന പോസ്റ്ററും റിലീസായിട്ടുണ്ട്.
ജീത്തു ജോസഫിന്റെ നേതൃത്വത്തിലുള്ള ബെഡ് ടൈം സ്റ്റോറീസും ഇ ഫോർ എക്സ്പെരിമെന്റസും ഒരുമിച്ചു നിർമ്മിക്കുന്ന രണ്ടാമത്തെ ചിത്രമാണിത്. ആസിഫ് അലിയെ നായകനാക്കി ജീത്തു ജോസഫ് സംവിധാനം ചെയ്യുന്ന ‘മിറാഷ്’ ആണ് ഈ ടീമിന്റെ ആദ്യ ചിത്രം. ഈ ചിത്രത്തിന്റെ ഷൂട്ടിംഗ് കോഴിക്കോട് ആരംഭിച്ചു. ഈ ടീമിന്റെ രണ്ടാമത്തെ ചിത്രത്തിൽ ഷെയ്ൻ നിഗമിനൊപ്പം സാനിയ ഫാത്തിമ, കൃഷ്ണ പ്രഭ,ഷോബി തിലകൻ,നന്ദൻ ഉണ്ണി, കോട്ടയം രമേഷ്, ദിനേശ് പ്രഭാകർ തുടങ്ങിയ പ്രമുഖരും അഭിനയിക്കുന്നു.
ജോമോൻ ജോൺ, ലിന്റോ ദേവസ്യ എന്നിവർ ചേർന്ന് ആണ് ഈ ചിത്രത്തിന് തിരക്കഥ സംഭാഷണമെഴുതുന്നത്. ഛായാഗ്രഹണം-പി എം ഉണ്ണികൃഷ്ണൻ, പ്രൊഡക്ഷൻ കൺട്രോളർ-ദീപക് പരമേശ്വർ, പ്രൊഡക്ഷൻ ഡിസൈനർ-സുനിൽ ദാസ്,വസ്ത്രാലങ്കാരം- ലേഖ മോഹൻ, പബ്ലിസിറ്റി ഡിസൈൻ- ടെൻ പോയിന്റ്,പി ആർ ഒ-എ എസ് ദിനേശ്.
