“ട്രാക്ക് അമ്പാടെ മാറ്റി, ഇത് ധ്യാൻ 2.0”; കോമഡി ഇൻവെസ്റ്റിഗേഷൻ ത്രില്ലർ ‘ഡിറ്റക്റ്റീവ് ഉജ്ജ്വലൻ’ ടീസർ പുറത്ത്…
ധ്യാൻ ശ്രീനിവാസനെ നായകനാക്കി വീക്കെൻഡ് ബ്ലോക്ക്ബസ്റ്റേഴ്സ് അവതരിപ്പിക്കുന്ന ‘ഡിറ്റക്റ്റീവ് ഉജ്ജ്വലൻ’ എന്ന ചിത്രത്തിന്റെ ടീസർ പുറത്തിറങ്ങി. പ്രേക്ഷകരെ ചിരിപ്പിക്കാനും ചിന്തിപ്പിക്കാനുമായി ഡിറ്റക്റ്റീവ് ഉജ്ജ്വലൻ ഒരുങ്ങുന്ന എന്ന സൂചനയാണ് ടീസർ നല്കുന്നത്. ഇതോടെ വീക്കെൻഡ് സിനിമാറ്റിക് യൂണിവേഴ്സിലേക്ക് പുതിയൊരു താരം കൂടി അരങ്ങേറ്റം കുറിക്കുകയാണ്. മിന്നൽ മുരളിയിലൂടെ തുടക്കം കുറിച്ച ഈ സിനിമാറ്റിക് യൂണിവേഴ്സിന്റെ ഭാഗമായ ചിത്രം ഒരു കോമഡി ഇൻവെസ്റ്റിഗേഷൻ ത്രില്ലർ ആയിരിക്കുമെന്നാണ് ടീസർ നൽകുന്ന സൂചന.
ധ്യാൻ ശ്രീനിവാസൻ 2.0 എന്ന വിശേഷണത്തോടെ ആണ് താരത്തെ ഈ ചിത്രത്തിൽ അണിയറപ്രവർത്തകർ അവതരിപ്പിച്ചിരിക്കുന്നത്. ഇന്ദ്രനീൽ ഗോപീകൃഷ്ണനും രാഹുൽ ജി യും ചേർന്നാണ് ഈ ചിത്രം രചിച്ചിരിക്കുന്നതും സംവിധാനം ചെയ്യുന്നതും. സോഫിയ പോളിന്റെ വീക്കെൻഡ് ബ്ലോക്ക്ബസ്റ്റേഴ്സ് ആണ് ചിത്രത്തിന്റെ നിർമ്മാണം നിർവഹിക്കുന്നത്.
ചിത്രത്തിൽ ധ്യാൻ ശ്രീനിവാസൻ ടൈറ്റിൽ കഥാപാത്രമായ ലോക്കൽ ഡിറ്റക്ടീവ് ഉജ്ജ്വലനായി എത്തുമ്പോൾ, സി ഐ ശംഭു മഹാദേവ് എന്ന പ്രധാന കഥാപാത്രത്തെയാണ് സിജു വിൽസൺ അവതരിപ്പിക്കുന്നത്. കൂടാതെ കോട്ടയം നസീർ, സീമ ജി നായർ, റോണി ഡേവിഡ്, അമീൻ, നിഹാൽ നിസാം, നിബ്രാസ് നൗഷാദ്, ഷാഹുബാസ്, കലാഭവൻ നവാസ്, നിർമ്മൽ പാലാഴി, ജോസി സിജോ തുടങ്ങിയ വലിയ താരനിരയും ചിത്രത്തിൽ അണിനിരക്കുന്നുണ്ട്. അടുത്ത മാസം ചിത്രം തിയേറ്ററുകളിൽ എത്താൻ തയ്യാറെടുക്കുകയാണ്. പ്രേക്ഷകർക്ക് ഒരു നല്ല ചിരിവിരുന്നൊരുക്കാൻ ‘ഡിറ്റക്റ്റീവ് ഉജ്ജ്വലന്’ സാധിക്കുമെന്ന പ്രതീക്ഷയിലാണ് അണിയറ പ്രവർത്തകർ.
എക്സിക്യൂട്ടീവ് പ്രൊഡ്യൂസർ- മാനുവൽ ക്രൂസ് ഡാർവിൻ, പ്രൊജക്റ്റ് ഡിസൈനേഴ്സ് – സെഡിന് പോൾ, കെവിൻ പോൾ, കോൺടെന്റ് ഹെഡ്- ലിൻസി വർഗീസ്, ഛായാഗ്രഹണം- പ്രേം അക്കാട്ടു, ശ്രയാന്റി, സംഗീതം- റമീസ് ആർസീ, എഡിറ്റർ- ചമൻ ചാക്കോ, കലാസംവിധാനം- കോയാസ് എം, സൗണ്ട് ഡിസൈനർ- സച്ചിൻ സുധാകരൻ, സിങ്ക് സിനിമ, സൗണ്ട് മിക്സിങ്- അരവിന്ദ് മേനോൻ, വസ്ത്രാലങ്കാരം- നിസാർ റഹ്‌മത്, മേക്കപ്പ്- ഷാജി പുൽപള്ളി, പ്രൊഡക്ഷൻ കൺട്രോളർ- ജാവേദ് പിസി, ആക്ഷൻ- തവാസി രാജ്, ചീഫ് അസ്സോസിയേറ്റ് ഡയറക്ടർ- രതീഷ് മൈക്കിൾ, ഡി ഐ- പോയറ്റിക്, വിഎഫ്എക്സ്- ഐ വിഎഫ്എക്സ്, സ്‌റ്റിൽസ്- നിദാദ് കെ എൻ, പബ്ലിസിറ്റി ഡിസൈൻ- യെല്ലോ ടൂത്ത്സ്, ഡിസ്ട്രിബ്യൂഷൻ ഹെഡ്- പ്രദീപ് മേനോൻ, ഡിജിറ്റൽ മാർക്കറ്റിംഗ്- അനൂപ് സുന്ദരൻ, ഒബ്സ്ക്യൂറ എന്റർടൈമെന്റ്, പിആർഒ- ശബരി.
