“ധീരം”: ഇന്ദ്രജിത്ത് സുകുമാരൻ പോലീസ് വേഷത്തിൽ; പുതിയ പോസ്റ്റർ ശ്രദ്ധ നേടുന്നു
ഇന്ദ്രജിത്ത് സുകുമാരൻ മുഴുനീള പോലീസ് കഥാപാത്രത്തെ അവതരിപ്പിക്കുന്ന ക്രൈം ഇൻവെസ്റ്റിഗേഷൻ ത്രില്ലർ ചിത്രമായ “ധീരം”ത്തിൻ്റെ പുതിയ പോസ്റ്റർ പുറത്തിറങ്ങി. റെമൊ എന്റർടൈൻമെൻ്റ്സും മലബാർ ടാക്കീസും ചേർന്നാണ് ഈ ചിത്രം നിർമ്മിക്കുന്നത്. നവാഗതനായ ജിതിൻ ടി സുരേഷ് ആണ് സംവിധാനം. ദീപു എസ് നായരും സന്ദീപ് സദാനന്ദനും ചേർന്നാണ് ചിത്രത്തിൻ്റെ തിരക്കഥ എഴുതിയിരിക്കുന്നത്. മുൻപ് പുറത്തിറങ്ങിയ ചിത്രത്തിൻ്റെ ടൈറ്റിൽ ടീസർ, ഫസ്റ്റ് ലുക്ക്, സെക്കൻഡ് ലുക്ക് പോസ്റ്ററുകൾ എന്നിവ ഇൻവെസ്റ്റിഗേഷൻ ത്രില്ലർ സ്വഭാവം സൂചിപ്പിക്കുന്നതായിരുന്നു.
ചിത്രീകരണ പൂർത്തീകരിച്ച ഈ സിനിമയിൽ ഇന്ദ്രജിത്തിനൊപ്പം അജു വർഗ്ഗീസ്, ദിവ്യ പിള്ള, നിഷാന്ത് സാഗർ, രഞ്ജി പണിക്കർ, റെബ മോണിക്ക ജോൺ, സാഗർ സൂര്യ, അവന്തിക മോഹൻ, ആഷിക അശോകൻ, സാജൽ സുദർശൻ എന്നിവരും പ്രധാന വേഷങ്ങളിൽ എത്തുന്നു. നിരവധി ഹ്രസ്വചിത്രങ്ങളിലൂടെ ശ്രദ്ധ നേടിയ ജിതിൻ്റെ ആദ്യ സംവിധാന സംരംഭമാണിത്. സൗഗന്ദ് എസ്.യൂ ആണ് ഛായാഗ്രഹണം. ‘ക്യാപ്റ്റൻ മില്ലർ’, ‘സാനി കായിദം’, ‘റോക്കി’ എന്നീ ചിത്രങ്ങളുടെ എഡിറ്റർ നാഗൂരൻ രാമചന്ദ്രനാണ് എഡിറ്റിംഗ് നിർവ്വഹിക്കുന്നത്. ഇത് അദ്ദേഹത്തിൻ്റെ ആദ്യ മലയാള ചിത്രമാണ്.
മണികണ്ഠൻ അയ്യപ്പയാണ് സംഗീതം സംവിധാനം ചെയ്യുന്നത്. പ്രൊഡക്ഷൻ ഡിസൈനർ: സാബു മോഹൻ, പ്രോജക്ട് ഡിസൈനർ: ഷംസു വപ്പനം, കോസ്റ്യൂംസ്: റാഫി കണ്ണാടിപ്പറമ്പ, മേക്കപ്പ്: പ്രദീപ് ഗോപാലകൃഷ്ണൻ, പ്രൊഡക്ഷൻ കൺട്രോളർ: ശശി പൊതുവാൾ, പ്രൊഡക്ഷൻ എക്സിക്യൂട്ടീവ്: കമലാക്ഷൻ പയ്യന്നൂർ, പ്രൊഡക്ഷൻ മാനേജർ: ധനേഷ്, സൗണ്ട് ഡിസൈൻ: ധനുഷ് നയനാർ, ചീഫ് അസോസിയേറ്റ് ഡയറക്ടർ: തൻവിൻ നാസിർ, 3D ആർട്ടിസ്റ്: ശരത്ത് വിനു, വി.എഫ്.എക്സ് & 3D അനിമേഷൻ: ഐഡൻറ് ലാബ്സ്, മാർക്കറ്റിംഗ് കൺസൾട്ടൻ്റ്: മിഥുൻ മുരളി, പി.ആർ.ഓ: പി.ശിവപ്രസാദ്, സ്റ്റിൽസ്: സേതു അത്തിപ്പിള്ളിൽ എന്നിവരാണ് മറ്റ് അണിയറ പ്രവർത്തകർ.
