സൈജു കുറുപ്പ് – തൻവി റാം – അർജുൻ അശോകൻ ടീം ഒന്നിക്കുന്ന ‘അഭിലാഷം’ ഈദിന് എത്തും; പുതിയ പോസ്റ്റർ പുറത്ത്…
സൈജു കുറുപ്പ്, തൻവി റാം, അർജുൻ അശോകൻ എന്നിവർ പ്രധാനവേഷങ്ങളിൽ എത്തുന്ന പുതിയ ചിത്രം ‘അഭിലാഷം’ ഈദിന് തിയേറ്ററുകളിൽ എത്തും. ചിത്രത്തിലെ അർജുൻ അശോകന്റെ കഥാപാത്രമായ താജുവിനെ പരിചയപ്പെടുത്തുന്ന പുതിയ പോസ്റ്റർ പുറത്തിറങ്ങി. “പ്രേമപ്പെരുന്നാൾ” എന്ന ടാഗ് ലൈനോടുകൂടിയാണ് റൊമാന്റിക് ഡ്രാമ വിഭാഗത്തിൽ പെടുന്ന ചിത്രത്തിന്റെ പോസ്റ്റർ പുറത്തിറക്കിയിരിക്കുന്നത്. മലബാറിന്റെ പശ്ചാത്തലത്തിൽ കഥ പറയുന്ന ചിത്രത്തിൽ അഭിലാഷ് എന്ന കഥാപാത്രമായി സൈജു കുറുപ്പും, ഷെറിൻ എന്ന കഥാപാത്രമായി തൻവി റാമും എത്തുന്നു.
മണിയറയിലെ അശോകന് ശേഷം ഷംസു സെയ്ബ സംവിധാനം ചെയ്യുന്ന ചിത്രമാണ് അഭിലാഷം. സെക്കന്റ്‌ ഷോ പ്രൊഡക്ഷൻസിന്റെ ബാനറിൽ ആൻ സരിഗ ആന്റണി, ശങ്കർ ദാസ് എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രത്തിന്റെ തിരക്കഥ രചിച്ചിരിക്കുന്നത് ജെനിത് കാച്ചപ്പിള്ളിയാണ്. സൈജു കുറുപ്പ്, തൻവി റാം, അർജുൻ അശോകൻ എന്നിവരെ കൂടാതെ ബിനു പപ്പു, നവാസ് വള്ളിക്കുന്ന്, ഉമ കെ പി, നീരജ രാജേന്ദ്രൻ, ശീതൾ സക്കറിയ, അജിഷ പ്രഭാകരൻ, നിംന ഫതൂമി, വസുദേവ് സജീഷ്, ആദിഷ് പ്രവീൺ, ഷിൻസ് ഷാൻ എന്നിവരും ചിത്രത്തിൽ പ്രധാന കഥാപാത്രങ്ങളെ അവതരിപ്പിക്കുന്നു.
“കാത്തിരിപ്പിന്റെ സുഖമുള്ള, പ്രണയത്തിന്റെ മണമുള്ള ഒരു പ്രണയകഥകൂടി” എന്ന ടാഗ് ലൈനോടുകൂടിയാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്ത് വന്നത്. കൂടാതെ ചിത്രത്തിലെ “തട്ടത്തിൽ” എന്ന വരികളോടെ തുടങ്ങുന്ന ഗാനവും പുറത്തിറങ്ങിയിരുന്നു. ചിത്രത്തിന്റെ ഫസ്റ്റ് ലുക്ക് പോസ്റ്ററിനും ഗാനത്തിനും മികച്ച പ്രതികരണമാണ് ലഭിച്ചത്.
സജാദ് കാക്കു ആണ് ചിത്രത്തിന്റെ ഛായാഗ്രഹണം നിർവഹിച്ചിരിക്കുന്നത്. ശ്രീഹരി കെ നായർ സംഗീത സംവിധാനം നിർവഹിച്ചിരിക്കുന്നു. എഡിറ്റർ: നിംസ്, വസ്ത്രാലങ്കാരം: ധന്യ ബാലകൃഷ്ണൻ, മേക്കപ്പ്: റോണക്സ് സേവ്യർ, കലാസംവിധാനം: അർഷദ് നാക്കോത്ത്, പ്രൊഡക്ഷൻ കൺട്രോളർ: രാജൻ ഫിലിപ്പ്, ഗാനരചന: ഷർഫു & സുഹൈൽ കോയ, സൗണ്ട് ഡിസൈൻ: പി സി വിഷ്ണു, VFX: അരുൺ കെ രവി, കളറിസ്റ്റ്: ബിലാൽ റഷീദ്, സ്റ്റിൽസ്: ഷുഹൈബ് എസ്.ബി. കെ, ചീഫ് അസ്സോസിയേറ്റ് ഡയറക്ടർ: സാംസൺ, ഡിസൈൻസ്: വിഷ്ണു നാരായണൻ, ഡിസ്ട്രിബൂഷൻ: ഫിയോക്ക്, ഓവർസീസ് ഡിസ്ട്രിബൂഷൻ: ഫാർസ് ഫിലിംസ്, മ്യൂസിക് റൈറ്റ്സ്: 123 മ്യൂസിക്സ്, ഡിജിറ്റൽ മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്സ്, പിആർഓ: വാഴൂർ ജോസ്, ശബരി.
